堅持者在意的是「達成心中的願景」，
他們追尋的是「成就感」
固執者在意的是「證明自己是對的」，
他們追求的是「自尊心」
前幾日喺網上見到呢句簡直係中point，呢個世界上實在有太多人將堅持同固執兩者混淆，仲要理直氣壯咁話佢呢種先叫堅持，真係要令身邊嘅人頭都痕。
舊同行朋友喺跳舞圈跳咗十幾年全成無起色，佢話呢D先係”堅持追夢”；年輕師妹充滿幹勁活力，”堅持”自己嘅proposal係最work，同人嗌到喊都仲要拗。
想知道究竟你係堅持定固執？我覺得當你遇到唔止一個人話你固執，或者給你批評嘅時候，而你嘅心境係覺得好嬲反應好大，覺得對方唔明無知幼稚嘅同時，你不斷去諗方法去反駁，拗到面紅耳赤接近同朋友反面黎証明自己嗰套係啱嘅，我覺得有可能，有可能，真係可能有可能你其實係自尊心作祟冥頑不靈(嗱，有可能咋！) 對於堅持，任何有利於願望達成嘅建議就算怕都要聽要試，過濾過其他人嘅suggestion再搵出達標更順利嘅方法，再咬緊牙關堅持落去，我相信，你終究會成功！
共勉之。
#女人像鹽
Search